రేవంత్ రెడ్డితో కూతురి పెళ్లి: మొదట అంగీకరించని మామ.. తర్వాత ఏం జరిగిందంటే?

తెలంగాణ ముఖ్యమంత్రి రేవంత్ రెడ్డి గురించి చాలామందికి ఒక రాజకీయ నాయకుడిగానే తెలుసు.

HYDERABAD:తెలంగాణ ముఖ్యమంత్రి రేవంత్ రెడ్డి గురించి చాలామందికి ఒక రాజకీయ నాయకుడిగానే తెలుసు. కానీ, ఆయన వ్యక్తిగత జీవితం, కుటుంబంతో ఆయనకున్న అనుబంధం, జీవితంలో తీసుకున్న కొన్ని కీలక నిర్ణయాల వెనుక ఉన్న కథలు కొందరికే తెలుసు. ఇటీవల రేవంత్ రెడ్డి మామగారు, ఆయన సతీమణి గీతా రేవంత్ మీడియాతో పంచుకున్న ఆసక్తికరమైన విషయాలు, ఆయనలోని మరో కోణాన్ని ఆవిష్కరించాయి.

రేవంత్ రెడ్డి తన కూతురిని ప్రేమించి పెళ్లి చేసుకుంటానని చెప్పినప్పుడు, మొదట ఆయన మామ ఒప్పుకోలేదట. అప్పట్లో రేవంత్ జీవితంలో స్థిరపడలేదని, ఊరి పరిస్థితి తెలియకపోవడమే ఇందుకు కారణమని ఆయన చెప్పుకొచ్చారు. అయితే, కొన్నేళ్లలోనే రేవంత్ తెలివితేటలు, ఆత్మవిశ్వాసం, వ్యాపార దక్షత చూసి ఆయన మామగారు అంగీకరించినట్టు తెలిపారు. "ఎన్టీఆర్ లాగే ముక్కుసూటిగా మాట్లాడేవాడు. మాట పడే ముం

ఇంటర్మీడియట్ నుంచే ప్రేమ... బోటులో మొదలైన బంధం

రేవంత్ రెడ్డి సతీమణి గీత తమ ప్రేమకథ గురించి మాట్లాడుతూ "మా ప్రేమకథ ఇంటర్ నుంచే మొదలైంది. నాగార్జునసాగర్ బోటులో తొలిసారి కలిశాం. పరిచయం పెరిగింది. ఆయనలోని ఆత్మవిశ్వాసం, స్పష్టత, నిజాయితీ నన్ను ఆకట్టుకున్నాయి. తనే ముందుగా ప్రపోజ్ చేశారు" అని వివరించారు. ప్రేమను పెళ్లి వరకు తీసుకురావడంలో చాలా అడ్డంకులు ఎదురైనా, చివరికి కుటుంబ సభ్యుల సమ్మతితో వివాహం జరిగిందని ఆమె తెలిపారు.

వ్యాపారం వదిలి రాజకీయాల్లోకి... తొలుత ఇష్టం లేకున్నా, తర్వాత పూర్తి మద్దతు 

రేవంత్ రెడ్డి వ్యాపారాల్లో ఉన్నప్పుడు వారి కుటుంబ జీవితం చాలా బాగుండేది. అయితే, రాజకీయాల్లోకి వెళ్లేందుకు ఆయన నిర్ణయం తీసుకున్నప్పుడు గీతకు మొదట భయమేసిందట. “ఎందుకీ తలనొప్పి?” అనిపించేదట. కానీ, అది ఆయన లక్ష్యం కాబట్టి, సహకరించానని గీత చెప్పారు. ఆయన లక్ష్యాన్ని చేరుకోవడానికి ఆమె పూర్తి మద్దతు ఇచ్చారు.

కుటుంబ జీవితం కూడా ఆత్మీయమే

రేవంత్ రాజకీయాల్లో ఎంత బిజీగా ఉన్నా కుటుంబానికి సమయం కేటాయిస్తారని గీత తెలిపారు. నెలకు 2-3 సినిమాలకు వెళ్తారని చెప్పారు. "ఢిల్లీకి సీఎంగా వెళ్లినా, ఇంట్లో మాత్రం మా పిల్లలకి నాన్నగానే ఉంటారు" అని ఆయన కుటుంబ విలువలను వెల్లడించారు.

రేవంత్‌లోని నేత విశేషాలు

గీత చెప్పినట్లుగా, రేవంత్ అసెంబ్లీలో మాట్లాడే ముందు చాలా రీసెర్చ్ చేస్తారు. ప్రశ్నలకు సిద్ధంగా ఉండేందుకు రాత్రిళ్లు చదువుతుంటారు. ఈ విషయంలో ఆమె కూడా నోట్స్ రాయడం ద్వారా సహాయం చేస్తారట. విమర్శల సంగతి వచ్చే సరికి, కొంతమంది నమ్ముతారేమోనన్న భయం తనకు ఉందని ఆమె అన్నారు.

నచ్చిన.. నచ్చని విషయాలు 

రేవంత్ ధైర్యం, ఆత్మవిశ్వాసం, కష్టపడే తత్వం తనకు నచ్చే విషయాలని గీత తెలిపారు. ఏ సమస్య వచ్చినా భయపడకుండా ముందుకెళ్తారని, అప్పుడప్పుడు ఆయన తల "పాదరసం"లా పనిచేస్తుందని చెప్పారు. అయితే, ఆయన రాత్రిళ్లు టీవీ, పేపర్‌ చూసి తెల్లవార్లే లేచి "నిద్ర తక్కువైంది" అని బాధపడటం మాత్రం తనకు నచ్చదని ఆమె నవ్వుతూ పేర్కొన్నారు.

రేవంత్ రెడ్డి రాజకీయ నేతగా ఎంత దూకుడుగా ఉంటారో, కుటుంబంలోనూ అంతే ప్రేమగా, సమర్థుడిగా ఉంటారనే విషయం ఈ ఇంటర్వ్యూలో స్పష్టమవుతోంది. వ్యక్తిగత జీవితాన్ని అడ్డుగా పెట్టుకుని రాజకీయ జీవితం కొనసాగించడం అంత తేలికైన పని కాదు. కానీ, రేవంత్ మాత్రం తన లక్ష్యాలను ముందుంచుకుని, కుటుంబం సహకారంతో రాజకీయంగా ముందుకు సాగుతున్న నాయకుడిగా నిలిచారు.